XOGOS PARA TODOS NAS LETRAS GALEGAS

O equipo da Biblioteca preparou varias actividades para celebrar o Día das Letras Galegas, en honor do etnógrafo e antropólogo Antón Fraguas.

Colaboramos co equipo de Normalización Lingüística na actividade de Premios a cambio de Verbas.

Organizamos unha gymkana con preguntas sobre Antón Fraguas, na que participaron 19 equipos multinivel con alumnado de Primeiro a Cuarto de Primaria. Aqueles que foron quen de atopar máis respostas correctas levaron premio!

Os alumnos de Primeiro e de Cuarto da ESO foron invitados a resolver o misterio do libro de Antón Fraguas desaparecido, un xogo de escape que puxo a proba a súa astucia de xeitos moi variados.

VISITA DE XELÍS DE TORO

O alumnado de 3º de Primaria leu este curso "O trompetista e a lúa", de Xelis de Toro. O autor visitounos para contarnos o conto, acompañado de música en directo.

A visita do autor foi a ocasión perfecta para formularlle tódalas preguntas que tiñan preparadas.

UNHA NOVA BIBLIOTECA PARA O CPI MOSTEIRO-MEIS

Novo chan, pintado das paredes, novo mobiliario, reubicación dos libros, ... case todo cambiou este curso na Biblioteca do CPI Mosteiro-Meis! Podedes ver a continuación o resultado dun traballo en equipo no que tanto os Voluntarios como o profesorado axudou arreo.
Agardámosvos!

AXUDANTES BIBLIOTECARIOS

Xa na recta final do curso queremos agradecer a colaboración dos nosos axudantes bibliotecarios. Sempre dispostos a colaborar, facendo os préstamos, atendendo aos ordenadores, ordeando libros, recomendando libros aos máis pequenos...

GALICIENCIA.PROXECTO DE INVESTIGACIÓN: 3R E CAMBIO CLIMÁTICO

O alumnado de 4º de primaria levou a a Galiciencia o su proxecto "3R e Cambio Cimático" que pretende fomentar no noso entorno a reducción, reutilización e reciclaxe do lixo que se xera.

ADRIÁN MORGADE E XINFU NA MALDICIÓN GUACHUKI

Adrian Morgade estivo hoxe co alumnado de terceiro e quinto curso  de Primaria  para falarlles das peripecias e aventuras dos canciños protagonisatas do seu cómic " Xinfu na maldición guachuki"

Durante as últimas semanas os nen@s pasáronno moi ben coa lectura desta obra  e a realización de actividades relacionadas co  mundo do cómic.

Adrián faloulles das distintas fases  para realizar un cómic, contestou as súas preguntas e rematou a sesión facéndolles  un debuxiño  e asinando os  exemplares dos nenos e nenas.

Máis tarde pasou polas instalacións da radio do colexio sendo entrevistado por Mariña, Daniela  e Brais.