7/12/11

AXUDA AO POBO SAHARAUI

As bibliotecas escolares de Galicia, pertencentes ao PLAMBE,  estamos xuntando libros para mandar aos campamentos de refuxiados e facer máis grande a súa particular biblioteca.
Este é o libro que GOLFIÑO escolleu para que lean os nen@s saharauis:

Esta obra é a historia de Dulari Devi unha muller humilde que conseguiu cambiar unha vida de penoso traballo por unha viaxe ao mundo da arte. Neste libro mergullámonos na tradición india e a través dela coñecemos a arte Mahabani, expresión artística que xorde dos estampados realizados polas mulleres nas paredes, chan das casas e lugares comúns.

1/12/11

SABES O QUE É O BUBISHER?

O significado desta palabra no deserto saharaui é  paxaro que trae boa sorte. Nos campamentos de refuxiados do Sahara, o Bubisher é un bibliobus cargado de libros que recorre as escolas e funciona como biblioteca ambulante, dirixida a nen@s, moz@s e adult@s.