BIBLIOMOSTEIRO: 2013

20/12/13

UN NADAL DE CONTO

As nenas e nenos do noso centro escolleron candanseu conto clásico para ler e realizar distintas actividades. Os seus personaxes e toda a comunidade educativa do C.P.I. Mosteiro-Meis xuntámonos neste "nadal de conto" para desexarvos unhas FELICES FESTAS E UN PRÓSPERO ANINOVO.

16/12/13

GUÍA LECTURAS DE NADAL

9/12/13

MURAIS SOBRE OS DERETOS DOS NENOS

Os rapaces e rapazas do centro traballaron durante varias xornadas na confección duns murais para transmitir a necesidade de que os dereitos máis elementais das persoas deben comezar a cumprirse dende a infancia.

25/11/13

DÍA INTERNACIONAL CONTRA A VIOLENCIA DE XÉNERO

Coa confección deste lazo azul o C.P.I. Mosteiro manifesta o seu rechazo a violencia física ou psicolóxica exercida contra calquera persoa por razón de xénero.

En moitos paises as mulleres carecen de todos os dereitos, como Malala Yousafzai que foi tiroteada por contar nun blog os problemas que tiñan as nenas paquístaníes para recibir educación ou Shahnaz, asasinada por dar clases ás nenas.
Nas sesións de animación á lectura da nosa biblioteca fomentamos os principios de igualdade e a non discriminación por razón de sexo.

20/11/13

DÍA DOS DEREITOS DA INFANCIA

No mundo hai moitos nenos e nenas que non poden ir a escola, que teñen que facer traballos abusivos, non teñen acceso a sanidade, son mal tratados ou carecen de outros dereitos.

A lectura que realizamos nos libros sobre os dereitos do neno fixéronnos entender estas situacións e concienciáronnos de que debemos aportar o noso graniño de area para loitar contra elas.

12/11/13

OBRADOIRO DE EXPRESIÓN ESCRITA

É difícil resistirse a coñecer os feitizos que nos propón o noso alumnado. Fórmulas para voar, ser listo e como non, futbolista. Atrevédevos a imaxinar.

Publish for Free

31/10/13

FESTA DAS CABAZAS DE SAMAÍN

Coma todos os anos o concurso de cazabas despertou un grande interese entre o alumnado. Dificil escoller entre tantas e tan variadas: piratas, atrevidas, veloces, artistas, monstruosas, monas, festivas……. A ti cal che gusta?

Moitas grazas por colaborar coas vosas magníficas cabazas.

29/10/13

CARTEIS DE ANIMACIÓN Á LECTURA

"Coa lectura soñarás,nun mundo máxico entrarás" é un dos orixinais consellos que nos da o noso alumnado para animarnos a ler cada día un pouco máis e mergullarnos na maxia das historias.

25/10/13

24 de OUTUBRO, DÍA INTERNACIONAL DAS BIBLIOTECAS

Bibliomosteiro súmase a celebración do Día Internacional das Bibliotecas organizando unhas sesións de contacontos. As alumnas e alumnos de sexto curso de primaria serán os encargados de levar a cabo esta actividade que se celebrará na biblioteca, nos recreos, para o resto do alumnado.

10/10/13

CONCURSO

30/9/13

GUSTO POLA LECTURA

Ao inicio deste novo curso escolar, dende a Biblioteca, deixámosvos estas recomendacións para fomentar o entusiasmo pola lectura e animar a súa práctica.

Para ser un bo lector from mapimat

13/5/13

LETRAS 2013. RECURSOS DIDÁCTICOS.

Esta semana celebramos As Letras Galegas adicadas ao dramaturgo Roberto Vidal Bolaño.

Como en anos anteriores Bibliomosteiro achégavos diversos recursos didácticos recompilados pola Coordinadora Galega de ENDL para todos os nosos niveis educativos. Preme na imaxe.

Actividades Lim
UD
Ligazóns
Bibliografía
Videos
etc.

5/4/13

DÍA INTERNACIONAL DA POESÍA

Os meniños de primeiro fixemos esta actividade dentro do apartado de Arte do Proxecto “Mascotas”. Montamos un Estudio de Gravación en Bibliomosteiro e recitamos un anaquiño dun libro moi divertido de Yolanda Castaño. (A videomontaxe a podedes ver un pouco máis abaixo).

Ler en verso axúdanos a mellorar a nosa lectura porque necesitamos respirar moi ben, entoar,... respectar as quendas dos demáis en silencio, manter moito a atención… etc, etc.