DÍA DO LIBRO 2020

Neste Día do Libro tan especial, decidimos preguntar ao alumnado do CPI Mosteiro-Meis cal era o seu libro favorito. Estas foron as súas respostas...

Grazas a todas e todos por participar!

ACTIVIDADES DO DÍA DO LIBRO

Para conmemorar o Día do Libro, 23 de abril, o equipo de biblioteca organizou distintas actividades.

As Bibliotecas de Aula póñense de gala.

As máis motivadoras e atractivas reciben o seu premio.

Os alumnos e alumnas de sexto curso de primaria cóntanlle aso máis pequenos As zapatillas de Sofía de Frederick Lipp e Nasrudin de Odile Weulersse.

O alumnado de terceiro curso estrean o Teatrillo Kamishibai para conterlles aos sus compañeiros a fermosa historia do poeta Frederick de Leo  Lionni.

Como te sentirías sendo un personaxe dun dos teus contos favoritos? Gustaríache ser vaqueiro, indio, aventureiro, soñador...?

Manolo Solla coas súas propostas fai entrar aos nenos e nenas no máxico mundo da lectura.

AS BIBLIOTECAS GALEGAS RECIBEN OS PREMIOS DO CONCURSO NACIONAL DE BOAS PRÁCTICAS 2011

 

O luns 10 de decembro seis Bibliotecas galegas pertencentes ao PLAMBE recibiron os premios do CONCURSO NACIONAL DE BOAS PRÁCTICAS NA XESTIÓN E DINAMIZACIÓN DE BIBLIOTECAS ESCOLARES do ano 2011 en Madrid, na Biblioteca Nacional.

Deixámosvos enlaces aos distintos blogues das Bibliotecas galardoadas porque ben merece a pena coñecer a estes heroes (como os definen nas “Zocas faladoras”).

 

Modalidade A (centros de ensino infantil, primaria, educ. especial e educ. de adultos):

• 1º premio: CEIP A LAMA (A Lama, Pontevedra)

• 2º premio: CEIP CONDESA DE FENOSA (O Barco, Ourense)

• 3º premio: CRA DE RIBADUMIA (Ribadumia, Pontevedra)

• 3º premio: CEP XOSÉ Mª BREA SEGADE (Taragoña-Rianxo, A Coruña)

 

Modalidade B (centros de ensino secundario, form. profesional, ensinanzas artísticas...)

• 3º premio: IES DE CELANOVA (Celanova, Ourense)

• 3º premio: IES ALEXANDRE BÓVEDA (Vigo, Pontevedra)

PARABÉNS A TODOS E TODAS!

LIBROS DE IDA E VOLTA…

O día do Libro fixemos unha festa en Bibliomosteiro! Repartidos en dúas sesións, o alumnado de 1º e 2º de primaria participou nunha actividade que queremos compartir con todos!

“Fixemos unha actividade na Biblioteca onde saía un número de clase e tiñas que cambiar un libro co compañeiro da outra clase que ten o mesmo número ca ti. Alejandro Vilas.”

“O luns os profesores regaláronnos de sorpresa un marcapáxinas coa nosa foto! Uxía.”

AGORA TODOS COMPARTIMOS ESTE ENORME AGASALLO!

1º primaria VER PRESENTACIÓN DESCARGAR TODO

 

2º primaria VER PRESENTACIÓN DESCARGAR TODO

DÍA DO LIBRO

Este ano, en Bibliomosteiro, celebramos o Día do Libro con diversas actividades que se van a desenvolver ao longo da semana.

 

 

Se queres saber máis sobre a Historia do Día do Libro preme na seguinte presentación!

8 MARZO DÍA MULLER

Nos anos 40, as irmás Lola, Amparo e Julia Touza Domínguez eran en Ribadabia, a cabeza visible dunha rede clandestina que ocultaba os xudeus e lles facilitaba a través da fronteira portuguesa, a fuxida cara países onde quedarían  a salvo do nazismo.Lembremos que no holocausto morreron arredor de seis millóns de xudeus, e estas galegas contribuíron a salvar arredor de medio millar de persoas. Para elas o noso recoñecemento e a nosa lembranza neste día da muller.

BICENTENARIO DICKENS

O 7 de febreiro celebramos o bicentenario do nacemento de Charles Dickens (1812-2012). O novelista inglés que nos ensinou a crer nos milagros. e na forza do ser humano.Autor de obras inolvidables que tanto nos teñen emocionado: Oliver Twist, David Cooperfield  e Canto de Nadal.

Velaquí tedes un pequeno video que resume a vida do autor-

:

VIVEIRO DA PAZ

Create a slideshow

MANIFESTO PARA O DÍA DA PAZ 2012

Paz. Cada vez que escoitamos esta palabra, non podemos evitar relacionala coa súa contraria: guerra.

Guerra: cada vez que escoitamos esta palabra, non podemos evitar sentir certo arrepío e pensar en mortos e, tamén, en algo que nos queda moi lonxe.

Efectivamente, nun día coma o de hoxe moreas de manifestos falarán a favor da paz e rexeitarán a perda de vidas humanas que trae consigo a guerra. Nós queremos ir un pouco máis aló. A guerra non só significa unha perda irreparable de seres humanos inocentes, iso non é o único dano colateral que arrastra. Hai tamén unha perda non humana, pero tamén importante: a do patrimonio cultural. Un país en guerra é un país sen cultura, desde logo mentres dure o conflicto armado e, moitas veces, despois. A loita armada non soe ser quen de respectar a cultura do territorio onde se desenvolve, para mostra, o que sucedeu cos xacementos arqueolóxicos de Iraq durante a guerra, que quedaron totalmente destruídos, por poñer un exemplo recente. Por ir máis aló, moitas veces o bando gañador destrúe o patrimonio cultural do país, como sucedeu en Afganistán cando foi tomada polos talibáns, que decidiron voar con dinamita as estatuas milenarias dos deuses. Os dirixentes pensaron, coa súa opinión unilateral, que non hai máis cultura que a que eles queran impoñer: a cultura do burka, a cultura de que as mulleres non son quen de ter estudios, máis aló dos doce anos. Non valoran o que non comulga coa súa ideoloxía sen pensar que os bens culturais son patrimonio de toda a Humanidade. Ademais, a destrucción da cultura dun pobo é a destrucción da súa identidade. Nos últimos anos, territorios como Os Balcáns, Oriente Medio, América Latina ou África teñen visto como os seus sinais de identidade son aniquilados en sucesivos conflictos armados.

É labor dos países libres de conflictos denunciar esta situación e tentar de reparala. Afortunadamente, hoxe en día contamos con iniciativas como Bubisher, un autobús solidario encargado de levar libros aos nenos dunha das poboaciones máis castigadas: o Sáhara. A través de Bubisher, os refuxiados saharauis teñen o acceso á cultura que lles ven sendo negado desde hai anos de conflictos. Hai que curar as heridas do corpo, sí, pero tamén é importante curar ás da mente. Esperemos que sexa posible abrir unha ventá á esperanza cultural e que iniciativas coma esta prosperen e mesmo se multipliquen. Como decía o sabio grego Dióxenes Laercio: "A cultura é un adorno na prosperidade e un refuxio na adversidade". Fagámolo realidade.

GUÍA DE LECTURAS: DÍA ESCOLAR POLA PAZ

Xa podedes consultar a nova guía!

Lecturas recomendadas co motivo da celebración do Día Escolar pola Paz o vindeiro luns 30 de xaneiro.

LER PARA CRECER... NO TEMPO DE LECER.

Open publication - Free publishing - More conmemoracion

Saúdos de Golfiño!

VIVEIRO DA PAZ

O luns 30 de xaneiro montaremos no patio " un viveiro" de flores feitas polo alumnado como símbolo da paz.

O obxectivo é reflexionar sofre os conflitos que existen no mundo e conseguir un donativo a través da venda das flores para a ONG Bubisher, que como xa sabedes, leva a cabo actividades de achegamento de libros para as persoas dos campamentos saharauis.

DÍA DA PAZ

O día 30 de xaneiro celebraremos,  o DÍA DA PAZ E A NON VIOLENCIA en conmemoración da morte de Mahatma Gandhi. Durante esta semana, iremos realizando todo tipo de actividades na aulas para conmemorar este día.

Dende a biblioteca, propoñémosvos unha extensa recompilación de recursos para traballar co alumnado que nos chegan dende:       CEIP VICTOR SAENZ.


                                                           

25 NOVEMBRO DÍA CONTRA VIOLENCIA XÉNERO

O venres celebramos o DÍA  CONTRA A VIOLENCIA DE XÉNERO.

Dende a biblioteca queremos reflexionar sobre a importancia desta data e promover

a difusión de novos valores, e modelos nas    relacións amorosas que axudan a erradicar esta lacra da nosa sociedade.

A primeira proposta é un libro de Gemma Lienas El diario azul de Carlota

Tes un mozo que te controla demasiado, que se enfada se saes coas amigas, que te envía máis de 25 sms ao día e que se poña ciumento se falas cos rapaces da túa clase....? Carlota decide neste libro empezar un diario sobre a violencia de xénero a partir de testemuños que vai recollendo da súa nai, tía Octavia e mesmo das experiencias que viven amigas ao seu carón.No diario azul de Carlota aparecen tamén outros tipos de violencia: a escolar, a infantil.... e de todas elas ofrécenos recursos para defendernos ante estas situacións de perigo.

A segunda proposta é La cenicienta que no quería comer perdices de Nunila López e Myriam Camerós

Un conto moderno, realista, e profundamente esperanzador que nos amosa a situación de tantas mulleres que un día descubrimos que a nosa vida non é ese conto de fadas que nos prometeron e que o príncipe azul  non é o que aparenta. As autoras adican este libro a todas aquelas mulleres valentes que queren cambiar a súa vida e a todas aquelas que a perderon.

.

¿

SAMAÍN 2011

This free picture slideshow made with Smilebox

DÍA DA CIENCIA EN GALEGO

O día 4 de novembro celebramos, por segundo ano consecutivo, O Día da Ciencia en Galego.

Este ano está adicado á Química e concretamente á aportación da muller á ciencia. Homenaxeando  figuras como:

A cientifíca universal Marie Curie 

 Marie Curie, naceu como María Sklodowska en Varsovia (Polonia) en 1867 e faleceu en Sancellemoz, Francia, en 1934. Estudiou Física e Química na Universidade da Sorbona, París, da que foi a primeira profesora nos tempos modernos e onde coñeceu o seu marido e compañeiro de investigacións, Pierre Curie.
Marie Curie foi a primeira muller en recibir un Premio Nobel, e a primeira persoa en recoller dous Premios Nobel en dous campos distintos, Física e Química. En 1903 Henri Becquerel, Marie Currie e Pierre Currie, recibiron o Premio Nobel de Física pola súa investigación común sobre o fenómeno da radiación. En 1911 Marie Currie recolleu o Premio Nobel de Química polo descubremento de dous novos elementos: o radio e o polonio.

A matemática galega María Wonenburger.

María Wonenburger naceu en Montrove (Oleiros ) no ano 1927 e desde nena destacou polo seu interés polos números, o deporte e os idiomas. Fixo a licenciatura en Madrid. Foi a primeira española en conseguir unha beca Fulbright para realizar o doutoramento en matemáticas. Así chegou en 1953 á Universidade de Siracusa, en Nova Iorque. Traballou con prestixiosos matemáticos, como Nathan Jacobson, que dirixiu o seudoctorado en Yale. Despois, regresou a España, onde volveu a estudiar o doctorado, ó non lle ser convalidado. Emigrou de novo e traballou en Ontario, Toronto (onde era a única muller que ocupaba un posto de profesora de matemáticas na universidade), Búfalo e Indiana (onde acadou a máxima categoría profesional, a de Full Professor). En 1983 abandonou a súa actividade profesional e trasladouse a súa casa familiar na Coruña, onde reside actualmente
María Wonenburger publicou numerosos artigos en revistas de prestixio no campo matemático e dirixiu oito teses de doutoramento. Destacan o elevado número de citas que aluden ó seu traballo investigador, ademáis de ser citada en numerosos traballos da súa especialidade. Déixounos un importante legado: xunto co seu alumno Roberth Mooby introduciu as chamadas álxebras de Kac-Mooby que xogan un papel central en Matemáticas e Fisica desde os anos 70. A súa labor investigadora levouna a figurar entre os mellores expertos de álxebra do mundo.

SAMAÍN 2011

Chegou o Outono e con el a primeira festividade do curso: O Samaín.
 Dende a Biblioteca do CEIP Victor Saenz chéganos unha ampla variedade de recursos para disfrutar destas datas.Aquí tendes o enlace:
https://sites.google.com/site/recursosparaosamain

CONCURSO DE RELATOS DE SAMAÍN

CARTAS DE AMOR EN SECUNDARIA

Moitas grazas a tod@s pola vosa participación no Concurso de Cartas de Amor en San Valentín.
 A  calidade dos traballos reflectiu o voso esforzo e interese e por suposto, no vindeiro ano esperamos máis e mellor.

Parabéns aos tres gañadores: ALBA, JUAN E CRISTINA. Se queredes emocionarvos coas súas cartas premede  AQUÍ  .

ACTIVIDADES PROGRAMADAS PARA EL DÍA DEL LIBRO

Como todos los años, el Departamento de Lengua Española tiene el honor de organizar las actividades del Día del Libro. Este año nos tocará estar de vacaciones de Semana Santa, así que tendrán lugar durante la última semana antes de nuestro bien merecido descanso, entre el 11 y el 15 de Abril.

Como ya sabréis, este año el galardonado con el Premio Nobel de Literatura ha sido el escritor peruano Mario Vargas Llosa y a él dedicaremos esa semana. Las actividades programadas son las siguientes:

• Exposición sobre la vida y obra del autor, incluyendo información en powerpoint.
• Actividades en el aula sobre la obra de Mario Vargas Llosa.
• Organización de un mercadillo de libros usados. ¡Magnífica oportunidad para hacerse con títulos nuevos sin gastar dinero, no os lo perdáis!
• Y, por supuesto, no podía faltar nuestro Amigo Invisible. Ya sabéis, hay que fomentar el reciclaje y regalar un libro usado, que no viejo, acompañado de una flor natural o de cualquier material.

Seguiremos en contacto. Ya sabéis que el Día del Libro nos encanta.

POESÍA EN SAN VALENTÍN

VEINTE POEMAS DE AMOR Y UNA CANCIÓN DESESPERADA de Pablo Neruda.

" Puedo escribir los versos más tristes esta noche. Pensar que no la tengo. Sentir que la he perdido..."

Se precisas dicir o que sintes e non sabes como, non o dubides este é o teu libro. De seguro que nos seus versos atoparás as palabras para transmitir as máis belas emocións...

Hoxe máis que nunca A poesía é unha arma cargada de futuro