Taller de escritura creativa con María Lado

 O mércores 22 no CPI Mosteiro-Meis acompañounos a escritora María Lado. Impartiu un obradoiro literario pensado para aqueles alumnos/as aos q lles gusta ler e escribir, ou simplemente pretenden mellorar as súas creacións.

Mediante técnicas moi sinxelas os 25 participantes de 1 e 2 ESO desfrutaron do taller didáctico e ao mesmo tempo lúdico a crear, grazas ao poder da sua imaxinación, pequenas historias.

Un grupo atreveuse a poñerlle coreografía.

O alumnado quedou moi satisfeito co obradoiro.

NON MIRES PARA OUTRO LADO

Aroa, Irene, Daniela, Nerea, Karen, Martina e un nutrido grupo de pandeireteiras formado por alumnas e profesoras puxeron voz e música ás conmemoracións da última semana de Novembro: o Día da Música e o Día internacional contra a Violencia de Xénero. Velaí vai un resumo desta semana chea de emocións.

 

 

Asemade, a comunidade educativa do CPI Mosteiro-Meis participou na creación dunha lista de reproducción con músicas de mulleres. Podedes escoitala aquí:

 

O 24 DE SETEMBRO ABRIMOS O TELÓN EN PORTAPISÓN

 O vindeiro sábado 24 de setembro, abrimos o telón en Portapisón. 

Anímate a participar nesta actividade que aúna teatro e natureza, e pensada para toda a familia. 

Podes inscribirte aquí

Lémonos o sábado! 

LECTURA E FAMILIAS

Feliz día das LETRAS GALEGAS

 

AS CIENTÍFICAS NOS NOSOS LIBROS

Coincidindo co Día da nena e da muller na ciencia, o  venres 11 de febreiro, animámosvos a descubrir algunhas mulleres científicas que se aloxan na nosa Biblioteca, e que quizáis vos apeteza acoller nos vosos fogares durante uns días... 

Comezamos cun libro que xa se está a converter nun clásico: 

Presenta nun formato atractivo, con textos breves e ilustracións orixinais, a vida e obras de 25 científicas que cambiaron o mundo. Entre elas, atópase a española María Teresa Toral, presentada coma "química antifascista".

A 50 pioneiras españolas de tódolos campos do saber adícase estoutro libro. 

Podemos atopar a varias científicas, coma por exemplo Ángeles Ruíz Robles: 

Se prefires a banda deseñada, Valerosas é o libro que estabas a buscar. 

Entre outras mulleres que só fan o que elas queren (non o dicimos nós, é o que pon na portada do libro) está a historia de Agnodice, a primeira xinecóloga da Historia, cunha vida máis que interesante. 

Deixamos para o final un libro que agrupa os dous grandes proxectos da nosa Biblioteca para este curso: Mulleres que contaron e a Biblioteca verde. 

En "Árbores que non arden" varias autoras, reunidas no Proxecto Batefogo, abordan a figura indispensable das mulleres na prevención de incendios forestais. Velaquí unha mostra das súas interesantes aportacións. 

Se te animas a levar algúns destes libros para a túa casa ou para a túa clase, enche este  formulario e recólleo no Anexo da Biblioteca no primeiro andar. 

Feliz lectura! 

A PAZ COMEZA CUN LIBRO

A Paz comeza cun libro: velaquí o noso lema para este Día da Paz escolar e da Non Violencia. 

O vindeiro martes 1 de febreiro celebrarémolo no CPI Mosteiro-Meis. De feito, estas últimas semanas xa se comezaron a preparar as diferentes actividades: murais, teatro de marionetas, actividades musicais... 

Dende a Biblioteca, queremos compartir hoxe 30 de Xaneiro, conmemorando o falecemento do Mahatma Gandhi, libros que temos na nosa Biblioteca e que nos inspiran paz.

Para os máis cativos, que comezan a ler, ou para disfrutar en familia: 

Para os lectores da Sección verde, entre os 8 e os 11 anos, aconsellamos un clásico, que en realidade se pode ler a calquera idade: 

E tamén para ler sós ou en familia, esta novidade de Eloy Moreno, da que existen xa varias edicións: 

Para os lectores da sección amarela, aconsellamos un libro que foi parte do Club de Lectura de Secundaria no curso 2020-21, e que gustou e emocionou a partes iguais: 

Para os lectores máis avezados do noso centro, propoñemos dúas bandas deseñadas que foron grandes éxitos e xa son clásicos do século XXI para entender o que aconteceu no século XX: 

E para rematar, presentamos unha proposta para docentes e familias. Trátase do último libro de César Bona, que cuestiona algúns cimentos da educación actual, procurando asemade respostas humanizadoras e achegadas á nosa realidade. 

Todos estes, e moitos máis libros, están na nosa Biblioteca. Podes collelos prestados enchendo este formulario de préstamo

Feliz Semana da Paz no CPI Mosteiro-Meis!

O espíritu de Xela Arias invítate a xogar no Día das Letras Galegas

Este ano o Día das Letras Galegas adícase a Xela Arias. O seu espíritu enviounos este vídeo... 

Invítavos a ler máis sobre a súa vida aquí: 


E a xogar a este xogo:

De ser posible, empregade auriculares. E sobre todo, recordade poñer o voso nome para que vos poidamos premiar! 

 
Cando o teñades completado, achegádevos á tenda de agasallos da entrada e dicide unha palabra en galego que non exista en castelán.

 
Aproveitamos para despedirnos cuns fermosos versos de Xela adicados ao seu fillo:

 
Tódolos bebés son tu e ningún coma ti.
Tódolos nenos son tu e ningún coma ti.
Tódolos adolescentes son tu e ningún coma ti.
Tódolos mozos son tu e ningún coma ti.
Tódolos anciáns son tu e ningún coma ti.
Tódalas nais son eu e todas, coma min,
saben que es único.

Boa sorte!

O equipo de Normalización Lingüística e de Biblioteca

DÍA DO LIBRO 2021

Celebramos o Día do Libro no CPI Mosteiro-Meis. 

Profesorado e alumnado adicaron os últimos días a preparar esta conmemoración con propostas moi interesantes. 

O alumnado de 1º e 2º de Educación Primaria realizou a actividade de música e lectura "Pesca o teu conto". 

En 2º de Educación Primaria, deseñaron os seus propios marcapáxinas, baseándose nas emocións. 

O alumnado de 3º de Educación Primaria encheu toda unha parede con propostas de libros respondendo á pregunta "E ti que les?"

As portas das aulas de 1º da ESO foron decoradas polos seus habitantes baixo o lema "Mi puerta, mi libro". 

Nas redes sociais da Biblioteca propuxemos este booktag para compartirmos e descubrir as nosas lecturas. Podedes atoparnos en Facebook (@bibliocpimosteiromeis) e en Instagram, Twitter e Tik Tok como @bibliomosteiro.  

E rematamos esta celebración coa entrega de premios do concurso de marcapáxinas ás gañadoras: Mencía Costas, de 5º de Educación Primaria; e Aroa e Irene Gómez Barros, de 1º da ESO. 

Este ano, seguimos lendo! 

8-M NO CPI MOSTEIRO-MEIS

 No 2021, malia as circunstancias que nos azoutan, volvemos conmemorar o Día Internacional da Muller no CPI Mosteiro-Meis con diferentes actividades, que se recollen no seguinte vídeo. 

Águeda, profesora de música de Educación Primaria, realizou estoutra actividade, unindo música e conciencia social, co seu alumnado. 

Ademais das actividades, propoñemos dende o equipo de Biblioteca escolar unha escolma de libros, dispoñibles no noso centro, seleccionados por niveis de lectura, sobre Feminismo e Mulleres na Historia. 

AS NENAS E MULLERES NA CIENCIA NO CPI MOSTEIRO-MEIS

Hoxe, 11 de febreiro, conmemórase en todo o mundo o Día da Nena e da Muller na Ciencia. Este ano decidimos propoñer ao noso alumnado un xogo de adiviña que nos fixera ademais reflexionar sobre o pouco que coñecemos as caras de científicas de renome.

Logo dun día de intriga, destapamos nomes e revelamos as biografías das científicas escollidas, e magníficamente ilustradas por Marta Riera. 

Ademais disto, expuxemos no corredor que leva á Biblioteca outros fitos científicos acadados por mulleres. 

 Nas aulas, os profesores de Bioloxía e Física e Química, Camilo Ojea e Francisco Domínguez Oubiña, xogaron co alumnado a coñecer os descubrimentos destas mulleres. 

 Unha xornada completa adicada a recordar que, tamén na Ciencia, as mulleres están presentes.

LIBROS PARA A PAZ

Cada 30 de xaneiro, celebramos o Día da Paz, conscientes da necesidade de recordar que seguimos na súa procura na nosa escola, na nosa comunidade, no noso país e no noso planeta.
Dende a Biblioteca do CPI Mosteiro-Meis, contribuímos a esta conmemoración cunha escolma de libros que se poden atopar no noso centro. Invitámosvos a descubrilos neste enlace.

Este ano, seguimos lendo.

DÍA DA BIBLIOTECA... NAS REDES SOCIAIS!

O 24 de outubro celébrase o Día da Biblioteca. Este ano, e neste día, sábado, a nosa está pechada... ou non! Abrimos virtualmente a Biblioteca do CPI Mosteiro-Meis nas redes sociais: Instagram, Twitter, Facebook e Tik Tok. 

Inauguramos esta última cun video respondendo á pregunta " Por que me gusta ir á Biblioteca?" cunha referencia á  temática proposta pola Asesoría de Bibliotecas Escolares de Galicia, Xeografías Lectoras. Podédelo ver aquí. 

Animámosvos a dicirnos en vídeo por que vos gusta vir á Biblioteca do CPI Mosteiro-Meis, como xa fixo a nosa compañeira Sonia. Se sodes usuarios de Tik Tok, non esquezades etiquetarnos (@bibliocpimosteiromeis). Se o preferides, podédelo enviar ao noso correo biblioteca@cpimosteiromeis.com :-) 

E por suposto, dende hoxe, animámosvos a visitarnos tamén virtualmente ;-) 

Concurso Día das Escritoras

 Hoxe, 19 de outubro, celébrase o Día das Escritoras. 

Malia as circunstancias actuais, que nos impiden abrir a nosa Biblioteca escolar, queremos rendir homenaxe aos centos de escritoras que temos a oportunidade de ler. 

Ledicia Costas, Agatha Christie, Fina Casalderrey, Ana María Matute, Rosalía de Castro, Ana Frank, Berta Dávila, J.K. Rowling, Antía Yáñez... son só algunhas das que podes atopar na nosa Biblioteca. 

CONCURSO

Propoñémosche que esta semana, na que o sábado 24 se celebra o Día da Biblioteca, participes nun CONCURSO co tema do noso Proxecto Documental deste ano "Mulleres que contaron". 

Aproveitando que nas circunstancias actuais temos que recorrer máis que nunca á tecnoloxía, pensamos en que escribas un microrrelato de 280 caracteres coma máximo, que é xusto o que permite o formato da rede social Twitter. 

COMO PARTICIPAR 

Podes escribir o teu microrrelato de 3 maneiras diferentes: 

- Escribindo o teu microrrelato en papel e entregándollo a Miriam en Conserxería. Aquí tes un modelo tipo Twitter, por se che apetece imprimilo e escribilo neste formato. 

- Escribindo o teu microrrelato no seguinte formulario que nos chegará directamente ao Equipo da Biblioteca. 

Formulario de participación no concurso Día das Escritoras

- Se tes unha conta de Twitter, podes escribir directamente o teu relato nun chío (tweet) e etiquetarnos noutra publicación coa inscrición "Participei no concurso de microrrelatos de @bibliomosteiro". 

Os gañadores recibirán un agasallo da nosa Biblioteca escolar. 

Animamos a toda a comunidade educativa a participar: alumnado, familias, profesorado, persoal non docente... e facémolo cunha frase dunha famosa autora destes últimos anos, Laura Gallego: 

«Para eso sirven los sueños ¿No? 

Para enseñarnos hasta dónde podemos llegar».

Refranes para el Día del Medio Ambiente

Feliz Día del Medio Ambiente!

Para conmemorarlo, el alumnado y el profesorado del CPI Mosteiro-Meis han puesto en marcha varias iniciativas con el fin de concienciarnos de la importancia de cuidar de nuestro planeta.
Hoy queremos compartir el proyecto Refranes para el Día del Medio Ambiente, coordinado por la profesora de Lengua Española Nadya García Dapena, y en el que ha participado el alumnado de 1 ESO. Este proyecto se inscribe dentro del Proxecto Ríos y del Proyecto Documental Integrado del centro para el curso 2019-2020.
Disfrutadlo!

">

FELIZ DÍA DAS LETRAS GALEGAS! XOGAMOS?

Ola a todos e todas e feliz Día das Letras Galegas!

Hoxe propoñémosvos varios xogos de pistas para que vos divirtades xogando coa nosa lingua e os nosos libros.
Aproveitamos tamén para recordar a figura do escritor Ricardo Carvalho Calero, o homenaxeado deste ano.

Para 1º e 2º de Educación Primaria, propoñemos este xogo ideado por Amélie Carrila Pequena.

Para os cursos de 3º a 6º de Educación Primaria, propoñemos este xogo ideado polo equipo de Biblioteca do CPI Mosteiro-Meis.

E para o alumnado de Secundaria, estoutra versión:

A ver se sodes quen de resolver estes misterios...

Feliz Día das Letras Galegas!

DÍA DO LIBRO 2020

Neste Día do Libro tan especial, decidimos preguntar ao alumnado do CPI Mosteiro-Meis cal era o seu libro favorito. Estas foron as súas respostas...

Grazas a todas e todos por participar!

Febreiro na Biblio

Este mes de febreiro foivos ben cargadiño de actividades. Imos co repaso:

WANGARI 

Comezamos recollendo o que precisaron os alumnos e profesores de 5º de Primaria para montar a súa magnífica representación da vida de Wangari Mathai. Aquí vos deixamos un anaquiño por se non puidestes asistir a esta obra pensada para conmemorar o Día da Paz, o 30 de xaneiro.

SIMULTÁNEAS DE XADREZ

Pero en realidade a Wangari vímola o 31, porque o 30 a Biblio estaba ocupada coas partidas simultáneas entre os xogadores de xadrez do CPI Mosteiro-Meis e os dous Mestres do Clube de Xadrez Pontevedra, Pablo e David. Ademais de xogar, tivemos a sorte de que nos ensinaran algunhas estratexias.

SAN VALENTÍN

O grupo de voluntarios da Biblioteca púxose mans á obra e esmerouse especialmente coa decoración e a organización do concurso de relatos de San Valentín. Moitos e moitas foron os alumnos e alumnas que se achegaron a escribir o seu relato no recreo, piruleta mediante, e baixo a atenta e abraiada ollada do Señor Inspector.

VISITA DE ANA ALONSO

Como cada curso, tivemos a sorte de recibir a unha autora de éxito. Neste caso foi o turno de Ana Alonso, autora de Los tres peregrinos, que está lendo o alumnado de 4º de Primaria. Malia estar algo doenta, falounos da súa infancia e de como chegou a ser a escritora que é hoxe. E asinou e adicou os libros de todos. Grazas, Ana! E grazas Mar e Pilar por organizalo!

ENTROIDO

Non saímos dunha para meternos noutra... e ao abeiro das ideas dos profes de Secundaria, digamos que organizamos un concurso de Entroido, que comunicamos cun cartel que dou bastante que falar. Pero por sorte non lle caeu o pelo a ninguén... non si, Camilo e Fran? ;-)

A participación do alumnado de Secundaria foi moi alta, e ao son dos reggaetons do momento, puidemos descubrir algúns talentos ocultos do noso alumnado.

Antes diso, celebramos o primeiro gran desfile de Entroido de tódolos centros educativos de Meis.  O alumnado de Primaria foi integramente disfrazado con traxes relacionados co Proxecto Documental Integrado deste curso, sobre o tema "Auga".

Rematamos o mes recordando a Rosalía, cuxo día cadrou no medio do Entroido...

E xa andamos argallando novas actividades para o mes de marzo.

Agardámosvos para velas na Biblio!

A revolución vertical ou porque os seres humanos camiñan ergueitos

A revolución vertical é unha edición moi orixinal dunha fábula moderna. E que é unha fábula? Pois un conto de fantasía, aparentemente sinxelo, que en realidade agocha unha mensaxe moito máis profunda.
Aquí todo parte dunha pelexa entre os brazos e as pernas para ver quen é máis forte. Polo medio do duelo, descubrirán que non todo é o que parece e que ás veces os obstáculos fannos ser máis creativos.
O conto ten de especial que esta edición é bilingüe, é dicir, que o podemos ler en galego e en kikuyu.
O libro remata contando a vida do autor,  Ngūgī wa Thiong'o, dende a súa infancia en Kenya ata converterse en profesor de universidade en California.
En resumo, noventa páxinas divertidas ás que ben vale a pena adicar unhas horas.

E ademais... divírtete intentando descifrar que palabras africanas se corresponden coas nosas galegas.

O desafío: atopa no libro unha expresión que coñeces por unha película de Disney.


Ngūgī wa Thiong'o, A revolución vertical ou porque os seres humanos camiñan ergueitos, Editorial Galaxia, 2019.

Recomendado para maiores de 8 anos.

Unha reseña de Christina Gamallo.

Rosa Parks. La lucha contra el racismo

¿Te imaginas que, por el color de tu piel, te echaran de los asientos del autobús para que no infectaras a los ciudadanos de “primera”?, ¿o que te obligaran a entrar por atrás para que estos no tuvieran que olerte o mezclarse contigo?, ¿o que te asesinaran sin que los tribunales no hicieran más que respaldarlo, liberando siempre a los asesinos?

Pues esto seguía ocurriendo en el siglo XX en E.E.U.U., hasta que una irreprochable mujer negra, en 1955, se plantó y decidió negarse tranquilamente a levantarse de un asiento cuando se lo ordenó el conductor, para que un blanco no tuviese que sentarse a su lado.

Ese sencillo hecho, contra todo pronóstico, fue el principio de una ardua, sangrienta, pero irrefrenable escalada hacia el logro de que los negros fueran tratados como iguales a los blancos, como idénticos seres humanos, tal como reconocía la ley americana, pero que los blancos racistas se afanaban en burlar a través de artimañas.

EL personaje femenino trabajó, codo con codo, con el Nobel de la Paz en 1965, Martin Luther King, asesinado, como otros negros, por defender que se respetaran los derechos humanos de esta raza.

Tierna, serena y rotunda narración de una vida destinada a la trascendencia social, la de Rosa Parks., que muestra que valores como la prudencia, la determinación y la honestidad son pasaporte hacia el éxito, no solo para mejorar la propia vida, sino para contribuir a crear una sociedad mejor en la que muchos más puedan lograrlo.

Si te ha gustado esta biografía, también te gustará la novela Criadas y Señoras, o, si lo prefieres, la película homónima.

Capriolo, Paola, Rosa Parks. La lucha contra el racismo, Vicens Vives, Cucaña Biografías, 2013.

Una reseña de Nadya García Dapena.